Ásaþór sveiflar hamrinum Mjölni-Thor og hammeren Mjolnir

Það má með sanni segja að Þór hafi verið úrillur í gærkvöldi. Það gustaði kröftulega dágóða stund, greinilegt hver var á ferðinni um himinhvolfin í kerru sinni. Himininn logaði óslitið þegar hann sveiflaði hamrinum Mjölni. Það gerði slíkt úrhelli, að annað eins hef ég vart upplifað. Hvort hann hafi lent saman við konu sína Sif eða að reiði hans var sprottin af öðrum orsökum, hef ég ekki fengið fregnir um, en hann var allavega mestan hluta næturinnar að róa sig.
Það pípti inn vatn í gegn um gluggahlerana í herbergi mínu, en einhver bráðsnjall hafði borað göt í gluggakarminn á ská út, þannig að allt vatn rann jafnóðum út. Herbergið mitt var semsagt þurrt í morgun. Wilfred vinur minn, var ekki eins heppinn. Í hans gluggakistu voru engin göt. Þannig að hann skellti sér í sundskýlu, og synti fram á gang, sem var eiginlega jafnblautur. Getum kallað það grunnu laugina. Þakið er lekt í eldhúsi og stofu, þannig að pollar voru á gólfi. Skrifstofan mín hafði sloppið að mestu, smá raki á tvö til þrjú blöð. Skrifstofustjórinn brást skjótt við og tók skýrslu frá íbúum allra húsanna, og úrbætur eru þegar hafnar. Það á eftir að koma annað eins veður aftur.
Það er annars það að frétta að fjármálastjóri Khartoum kom í heimsókn til Nyala og var hér í tvo daga. Hann er mikill göngu garpur, og bar þar vel í veiði. Fengum okkur langa göngutúra, skoðuðum lífið í útkanti Nyala, settumst niður af og til og spjölluðum við fólk. Annars eru túrar mínir farnir að vekja athygli, þar sem ég yfirfæri gönguleiðirnar frá GPS tækinu mínu yfir á tölvuna, prenta þær út og hengi upp á vegg. Gönguhópurinn á eftir að stækka á næstunni.

Til mine norsktalende venner. Thor gikk berserk i gårkveld. Himmelen sto i flammer og det regnet meget kraftig. Fleste rommene i det orange hus, hvor jeg bor, var relativt tørre etter natten. Wilfred var den eneste som måtte ta på seg badebuksa og svømme ut av rommet. Administrasjonen på kontoret reagerte straks, gikk på befaring og har allerede sørget for forbedringer. Dette er hittil det kraftigste regnskyllet som jeg har erfart.

Har vært mye på turer i det siste. De begynner å vekke oppmerksomhet. Har til og med skrevet ut mine ruter fra GPS utstyret mitt og hengt opp på veggen på kontoret mitt. Tur gruppen blir etterhvert større. Mange begynner å bli interessert.